逆風吐痰 [音乐] 豆瓣
发布日期 2013年10月22日
出版发行:
Self-Released
香港民謠唱作人黃衍仁，他的音樂難以簡單定義和分類，滲進歌詞與結他之中的黑色、憤怒、荒誕和覺醒，一首首圍繞著日常生活中各種光怪陸離現象的歌曲，反映經歷和生活的同時，更揭開了各種生活形態及問題的根源。2013年尾推出首張大碟《逆風吐痰》。
好慢。
十年前開始亂彈、即興、唔玩cover丶唔練結他。
三個朋友，差尐可以即興到永遠。
然後散，一個人，開始學唔用pick彈。
唱歌。
四年前因為反高鐵，寫出第一首自已嘅歌，
四年，寫左十幾首。
二十八歲造好呢張碟，唔夠青春，又未有資格扮老。
細時無養成良好習慣，一直唔自覺地抗拒紀錄生活，
直至寫歌，成為我嘅某種唯一。
但音樂唔係紀錄。
音樂可以似好多野，但其實佢乜都唔係，
應該要乜都唔係。
人人都唔想自已嘅音樂被定型，
「乜野民謠，乜野社運歌，我就係我。」
但我越來越唔肯定，越來越無所謂。
唱歌，如同對住最好嘅朋友一樣，
純粹自憐、自high丶政治動員嘅歌，唔會唱
但訴說嘅內容，難免悲傷，
都只為醉後可以變成另一種力量。
好慢。
十年前開始亂彈、即興、唔玩cover丶唔練結他。
三個朋友，差尐可以即興到永遠。
然後散，一個人，開始學唔用pick彈。
唱歌。
四年前因為反高鐵，寫出第一首自已嘅歌，
四年，寫左十幾首。
二十八歲造好呢張碟，唔夠青春，又未有資格扮老。
細時無養成良好習慣，一直唔自覺地抗拒紀錄生活，
直至寫歌，成為我嘅某種唯一。
但音樂唔係紀錄。
音樂可以似好多野，但其實佢乜都唔係，
應該要乜都唔係。
人人都唔想自已嘅音樂被定型，
「乜野民謠，乜野社運歌，我就係我。」
但我越來越唔肯定，越來越無所謂。
唱歌，如同對住最好嘅朋友一樣，
純粹自憐、自high丶政治動員嘅歌，唔會唱
但訴說嘅內容，難免悲傷，
都只為醉後可以變成另一種力量。
